We remember some places for its grasses and secret flowers, What if trees and seasons remembered for its odour and speeches.?!;
I believe that some landscape moulds a language with soft syllables, husky consonants and boundless vowels.
Everything is tranquil and beautiful in this place.
Rainy noon at 8point art cafe Kollam

"The reason we struggle with insecurity is that we compare our behind the scenes with everyone's highlight reel"
How fast our confidence leaves and insecurities take the chair. While having a bitter childhood filled with bullying and body shaming jokes inferior and insecurities never had a way to my mind; Just 5 years before I remember how dauntlessly I could say that I look pretty today. A realization fact is this more and more exposed to public more we develop the habit of admiring people and comparing ourselves with them.. and guess what? Here I got drenched in that deep pit of inferior thoughts. That unconditional self-love is lost and some nights it knocks me like this.
I wish a world where people consider each other like stories., Were everyone accepts each other with their vulnerabilities; Were beauty never makes acceptance but being genuine counts.

#randomthougts
#sleeplessmusings

ഇനിയുള്ള ലോകം മൌനം പരിചയാക്കിയാവരുടെതാവുമ്പോൾ
വ്യവസ്ഥാപിത ജയങ്ങൾ അവരിലേക്ക്‌ മാത്രം ചായുന്നു


"തോറ്റ ജനത", "വേദനകളുടെ സൗന്ദര്യാരാധകർ"
എന്നീ കാല്പനിക വിളിപ്പെരുള്ളവർ ;
കലർപ്പില്ലാത്ത സ്വാതന്ത്ര്യത്തിനോടും,ഉപാധികളില്ലാത്ത സ്നേഹങ്ങളോടും
മാത്രം സന്ധി ചേരുന്നവർ

നക്ഷത്രങ്ങളോട് ഐക്യദാര്‍ഢ്യം പ്രഖ്യാപിച്ചു കൊണ്ടിവർ
നിഴലുകളിൽ നിന്നുള്ള വിമോചന സാധ്യതാ ശ്രമങ്ങളിൽ മുഴുകും



നിശബ്ദ രാജാവിന്റെ പട്ടാളം അപ്പോളും
ആത്മരതിക്കാരുടെ കൂട്ടായ്മകൾ സൃഷ്ടിക്കുന്ന തിരക്കിൽ
വെല്ലുവിളികളെ ആശങ്കകൾ എന്നും
ആശങ്കകളെ തോൽവിയെന്നും
തോൽവിയെന്നാൽ മരണമെന്നും നിർവ്വചനങ്ങൾ നൽകിക്കൊണ്ടെയിരിക്കും

ആത്മാംശങ്ങൾ കൊടുത്ത് ഒരു "വാക്ക്" ഉണ്ടാക്കി
കുപ്പീലിട്ടു മുറുക്കി അടച്ചു വെച്ചു
തുറന്നാൽ കവിതയോ കത്തോ ആയി മാറും
രാത്രിയാവാൻ കാത്തിരുന്നു
നിലാവ് വന്നു , നക്ഷത്രങ്ങളും
നിലാവിന് കൊടുത്തു
കല്ല്‌ കടിയെന്നു പറഞ്ഞു മടക്കി
നക്ഷത്രങ്ങളെ കാണിച്ചു
ചിമ്മുന്നില്ലെന്നു പറഞ്ഞു കളിയാക്കി
നിലാവിനെ കടലു കുടിച്ചു വറ്റിച്ചു
നക്ഷത്രങ്ങളെ കാറ്റ് പെറുക്കി കളഞ്ഞു
"വാക്ക്" തനിയെ കുപ്പി തുറന്നൊരു
മേഘത്തിന്റെ ഉച്ചീല് കേറിയിരുന്നു
ചുക്കീം ,ചുളിഞ്ഞും , വലിഞ്ഞും ,നിറഞ്ഞും
മേഘം ഇ..ങ്ങനെ ..പോവുമ്പോ
ഒരു ചെറിയ പുഴ , വലിയ മല
ചെറിയ കാട് , വലിയ പാറ
മേഘത്തിന്റെ ഉച്ചീന്നു വാക്ക് ഒരൊറ്റ ചാട്ടം
മലെലേക്ക്
അവിടുന്നുരുണ്ടുരുണ്ട് പുഴെലേക്ക്
അവിടുന്ന് ഒഴുകിയൊഴുകി കാട്ടിലേക്ക്
അവിടുന്ന് പറന്നു പറന്നു പാറേലേക്ക്

അപ്പൊ ദാ..
കുപ്പീം മേഘോം പാറപ്പുറത്തിരുന്നു കുമ്മി കളിക്കണു
കളീടെ ഇടേല് ഓടി കേറിയ വാക്ക് കാലുളുക്കി താഴെ വീണു
അവിടുന്ന് ഞൊണ്ടി ഞൊണ്ടി പായേലിരുന്നു
കാലു തിരുമ്മി തിരുമ്മി ഉറങ്ങി പോയി
കണ്ണ് തുറന്നപ്പളോ...!!!
പുഴേം മലേം കാടും പാറേം കൂടെ കുപ്പീടെ ഉള്ളില്
മേഘം ഓടി വന്നു 'വാക്കിനേം' കുപ്പീലാക്കി
മാനത്തിന്റെ അറ്റത്തേക്ക് കൊണ്ടോയി
കുപ്പീടെ ഉള്ളീന്ന് ഇറങ്ങി വന്ന 'വാക്കിപ്പോ' പാട്ടായി മാറി
ചിമ്മി ചിമ്മി ,
കിണുങ്ങി കിണുങ്ങി
ഒഴുകി ഒഴുകി
എവിടെയോ എവിടെയോ നടക്കണു ...

നുറുങ്ങി തകർന്ന ആത്മാവിന്റെ കഷ്ണങ്ങളൊക്കെ
വാരി പെറുക്കി ഒരു തോണീലിട്ട് തനിയെ തുഴഞ്ഞു പോയി
ഏതേലും ഒന്നല്ല ഒരു കര സ്വന്തായിട്ട്‌ ഉണ്ടാക്കണം
എന്നിട്ടോ ??
ചിരിക്കു ചുണ്ടീന്നു വിട്ടു പോവാൻ മടി തോന്നുംവിധം ചിരിക്കണം
ആ മുറിഞ്ഞ കഷ്ണങ്ങളെണ്ടല്ലോ, അതൊക്കെ ഇപ്പൊ ശലഭങ്ങൾ ആയി മാറീട്ടെണ്ടാവും
സ്വപ്നങ്ങളെ നക്ഷത്രങ്ങളിൽ ഒട്ടിച്ചു വെച്ച് മാനം നോക്കി കിടക്കൂ,
മിന്നാമിനുങ്ങുകൾ ഉണ്ടിപ്പോ നിന്നെ ഉമ്മ വെച്ചുറക്കാൻ
തുമ്പി പെണ്ണെ... നിറങ്ങളൊക്കെയും വാരി പൂശി കൊണ്ട് പറക്കാം..
ലേബൽ : ഒരു ആത്മഗതാഗതം

മനസ്സിൽ അപൂർണമായ ചിന്തകൾ കയറി കൂടുന്ന നിമിഷങ്ങളുണ്ട്
ചിലത് ഉണങ്ങാത്ത മുറിവിലെ പച്ച ഞരമ്പിൽ തോടും പോലെ വേദനിപ്പിച്ചു കളയും,
വേറെ ചിലത് മാനത്തൂന്നു കടലിലേക്ക്‌ ഒലിച്ചിറങ്ങിയ സുലൈമാനിച്ചുവപ്പു പോലെ കൊതിപ്പിച്ചു അടുപ്പിക്കും.
ചിലതിനു അറ്റം കാണിക്കാതെ മനസ്സ് കുഴപ്പിക്കുന്ന അനന്തതയും
ചിന്തകളൊക്കെ കൂട്ടി പെറുക്കി ഒരു സ്വപ്ന സാഹിത്യം രചിക്കാൻ തോന്നും ചിലപ്പോ
അക്ഷരങ്ങളോടുള്ള പ്രണയം മാത്രമാണ് തടസ്സം .
ചിന്തകൾക്ക് നിറവും താളവും വരുമ്പോളാവണം സ്വപ്നങ്ങളായി പരിണമിക്കുന്നത് .

"നന്ത്യാർവട്ടം , മുല്ലപ്പൂതണുപ്പ് , ഡയറി , അക്ഷരം , ഞാൻ"
പിന്നെ ?
"ഗുൽമോഹർ , വിപ്ലവം , ചുവപ്പ് ,കാല്പനികം , അവൻ".
ന്നിട്ടോ ?
"രാത്രി , ഇരുട്ട്
ഇരുട്ട്
ഇരുട്ട്
പിന്നേം ഇരുട്ട് "
ഉം ..പിന്നെ ?
"അക്ഷരം , യാത്ര , മേഘം , കടൽ , മഴ , ഭ്രാന്ത് , രാത്രി ,ഞാൻ"
ഇനിയൊ ?
"യാത്ര , നിലാവ് , കടൽ , നക്ഷത്രം ,തീവണ്ടിശബ്ദം , നീ "
ഇനി ?
" ........ "